Сэтгүүлч Н.Уранхолбоо

    Уламжлал болон тогтоод буй 33 дахь удаагийн "Номын баяр" энэ сарын 26, 27, 28 буюу ирэх бааснаас ням гариг хүртэл жанжин Д.Сүхбаатарын талбайд болно. Уг баяраар хуучин болон шинэ, эрэлттэй номын болон гэрэл зургийн үзэсгэлэн, зохиогч уншигчдын уулзалт, сонсдог номын цаг, яруу найргийн цаг гэх мэт олон арга хэмжээ болох аж. Улаанбаатарчуудын жил бүрийн хавар, намар хамгийн их хүлээдэг, өргөнөөр зочилдог нэг болоод буй тус баярыг 2012 онд Монгол Улсын Ерөнхийлөгч Ц.Элбэгдоржийн "Номын баяр тэмдэглэх тухай" 158 дугаар зарлигаар "Үндэснийи бичиг соёл, номын өдрүүд"-ийг жил бүрийн тав, есдүгээр сарын гурав дахь долоо хоногийн амралтын өдрүүдэд тэмдэглэхээр болсон байдаг.