Сунгалттай гадаад паспортоор зорчихгүй байхыг анхааруулав


2018-05-14 18:56:10 0

ГАДААД ХАРИЛЦААНЫ ЯАМНЫ КОНСУЛЫН ГАЗАР   

   Гадаад паспорттой холбоотой асуудлаар салбарын яамнаас мэдэгдэл, зөвлөмж гаргалаа. 

Олон улсын хэмжээнд мөрдөгдөж буй стандартыг бүрэн хангах, монгол иргэдийн гадаадад зорчих эрхийг баталгаажуулж, гадаад улсын хилээр нэвтрэхэд тулгарч буй хүндрэлийг арилгах зорилгоор Монгол Улсын үндэсний гадаад паспортад 2018 оны нэгдүгээр сарын 3-ны өдрөөс эхлэн сунгалт хийхгүй болсон. 

Сунгалт хийлгэсэн паспорттай манай улсын иргэдийг Казахстан улсын хилээр нэвтрүүлэхгүй буцаасан тохиолдол саяхан гарсан учраас сунгалттай паспортаар тус улсад зорчихгүй байхыг Гадаад харилцааны яамны Консулын газраас анхааруулж байна. 

Одоо хэрэглэж буй сунгалттай паспортын хувьд хүчинтэй хэвээр хэдий ч Олон улсын иргэний агаарын тээврийн байгууллага /ИКАО/-аас энэ төрлийн хуучин паспортыг хэрэглээнээс халах тухай зөвлөмжийг хэрэгжүүлж буйтай холбогдуулан ҮҮСЭХ ЭРСДЭЛЭЭС СЭРГИЙЛЭХ ҮҮДНЭЭС ТА БҮХНИЙГ ЦААШИД ШИНЭЭР ПАСПОРТ ЗАХИАЛАХЫГ ЗӨВЛӨЖ БАЙНА. 

Түүнчлэн гадаадад зорчиход паспортын хүчинтэй хугацаа доод тал нь зургаан сар байх шаардлага тавигддаг тул паспортын хугацаа дуусах дөхсөн иргэдэд шинээр паспорт захиалахыг зөвлөж байна.