“Нандин нас” хүүхдийн киног гаргаж буй “Боловсрол суваг ТВ”-дээ баярлалаа


2020-04-24 05:52:22 4

  “Боловсрол суваг ТВ” бол байгуулагдсан цагаасаа эхлээд хүүхдэд зориулсан, тэдний хүмүүжил, боловсрол руу чиглэсэн олон контент нэвтрүүлэг бэлтгэн олон нийтэд хүргэж, хүүхдийн гэсэн уран бүтээл болгоныг дэмжиж ирсэн. Энэ утгаараа ч хаана , хэн хүүхдэд зориулсан бүтээл туурвина, түүнийг дэмжиж байдаг билээ. Саяханаас тус телевиз “Төгс хөгжил” пропакшингийн бүтээл болох “Нандин нас” олон ангит кино гаргаж эхэлсэн. Энэхүү кино нь өсвөр насны хүүхдүүдийн  амьдралыг бодитоор харуулсан бөгөөд 04 сарын 22 нд гарсан 8-р анги дээр хүүхдүүд үнсэх шийтгэлтэй тоглоом тоглодог хэсэг гарсан нь эцэг эхчүүдийн эгдүүцэл дургүйг хүргэж сошиал орчинд олон шүүмжлэл дагуулаад байна. Энэ байдлаас болж “Нандин нас” киноны зохиолч, найруулагч Ж.Буянтөгс өөрийн фэйсбүүк хуудаснаа дараах тайлбарыг оруулсан байна. Та бүхэнд энэхүү тайлбарыг бүрэн эхээр хүргэж байна.

Ж.Буянтөгс: Хүүхдүүд үнсэлцэж болохгүй гэдгийг тэд ашгүй анзаарч харж эхэллээ

 ЭМЯ-ны судалгаанаас харахад жилд дундажаар 1500-1600 өсвөр насны хүүхэд жирэмсэн болдог, үр хөндүүлдэг гэсэн тоо баримт байгаа нь сэтгэл өвтгөж байна.
Бид хүүхдээ ийм байдалд хүргэхгүйн тулд анхаарал тавих шаардлагатай байна.
Энэ кино гарсанаар эцэг эхчүүд хүүхдүүдээ хаана юу хийж, хэнтэй нөхөрлөж байгааг анзаарах, анхааруулах зорилго маань биелэлээ олсоор байна.
Кинонд маань хүүхэд хамгаалал, хүүхдийн хүчирхийллийн эсрэг олон мессэж хүрэх болно. Бид өөрсдийн туулж өнгөрөөсөн өсвөр үе шигээ өнөөгийн хүүхдийн ертөнцийг үнэлж болохгүй ээ.  Таны хүүхэд үнсэлцдэггүй байж болно,  гэхдээ томчууд бидний анзаарангуй, хараа хяналт сул байгаагийн уршигаар амьдралд хөл алдаж,  жирэмслэж байгаа нэгэн дэргэд нь тун ойр байгаа гэдгийг та мэдэж байгаа.  Харин ч “Боловсрол суваг ТВ” ээж аавуудын нүдийг нээж, хүчтэй дуугархад минь хүч нэмж бидний уран бүтээлийг телевизийн сувагаараа гаргаж, олон хүнд хүргэж өгч байгаад талархаж байна. Яг үнэндээ бол ажил, ажил гээд үр хүүхэддээ зав, цаг маш бага гаргадаг аав ээжүүд гэнэт сэрлээ...

Тэд одоо өсвөр насны хүүхэдтэй гэдгээ ухаарлаа... Хүүхдүүдээ ангийн найз нөхөд, хэн нэгэнтэй амралт, зугаалгаар явуулахдаа хамт явж байгаа хүмүүс нь, нөхөрлөж байгаа найзууд нь ямар хүмүүс байгааг анзаарах ёстойг, үр хүүхэдтэйгээ ярилцах ёстойг ойлголоо.Энэ мэтчилэн өсвөр насны хүүхдэд учирч болох олон хүнд асуудал байдгийг Өсвөрийн клиник, хүүхдийн гэмт хэргээс урьдчилан сэргийлэх хэлтэс бүгд дуу хоолойгоо нэгтгэн ажиллаж эхэллээ.

Хүүхдэд зориулсан кино уран бүтээлийг хүүхэд л үздэг гэсэн ойлголтоосоо салах цаг ирсээн аав, ээжүүдээ. Хүүхдийн киног аав ээ, ах эгч, эмээ өвөө, сурган хүмүүжүүлэгч багш нар та бүгд үзэж байж хүүхдийн хүмүүжлийн талаар илүү ойлголт, мэдээлэлтэй болох юм. Энэ л уран бүтээлчид бидний зорилго, та бүхэнд хүргэх гэсэн утга санаа билээ. Хүүхэддээ цаг зав гаргацгаая, таны хүүхэд хэнтэй нөхөрлөж, хаагуур явж, юу хийж байгааг мэддэг байцгаая. Гол нь хүүхэдтэйгээ маш сайн ярилцлагч, дотны анд нь байгаарай аав, ээжүүдээ. Гэр бүл болгон аз жаргалтай, хүүхэд бүр инээд хөөртэй, айдасгүй орчинд, айдасгүй нийгэмд эрүүл энх өсөж торинох болтугай.


Сэтгэгдлүүд

  • Altantsetseg

    2020-04-27

    Shvvmjleed bgaa hvmvvs bolih heregtei sh dee ene kino iim ch aimar kino bish sh dee togsgoldoo yamar vil yvdlaar togshiin ni ta nar medku sh de ene kino aav eej emee ovoo nariin haraa hynaltiig deeshluuleh zorilgotoi hiigdsen kino gej sonsson etseg ehchuud ta nar hvvhdvvddee neg ih anhaaral tavij chddaggu sh dee ene kinogoor damjuulan etseg ehchuud hvvhdee anhaardag boloh ch yum bilvv hench medku sh dee ene kino tiim ch muu kino bish shvv❤Hoorhon kino bolson l bnlee sh d❤Hvvhded bolon etseg ehiin haraa hynaltiig deeshlvvleh zorilogotoi enehvv kinog bichij nairuulsan J.Buyantogsdoo bayrllaaa goy kino bolson bnlee

  • Erka

    2020-04-24

    Surtei l ym seweed bhii huurhun l kino bnleeahte za amjilt buyntugs uu tani kinog shuumjlej bga bol kino huuhduuded hund eejuuded hurch bi ch ohinoo sn oilgodoggui ghde bas oilgoh ym san yriltsi gj bodloo bid nar chin baruuni oron shig bish yriltsaj chadahgui ym ghde yrina bayrlalaaa gj damjuularai

  • Irgen

    2020-04-24

    Tiim shuu bi ohintoi manai ohin 14 tei uzeed l salahgui bsn usej duusaad l nadtai hel am uraldaad l huurhun yridag bolson bnle kino avh bha huuheltei deer hurtel unseltseed l moom bogs garaad bdg harin ch ndd bol taalagdaj baigaaa

  • eej

    2020-04-24

    Хөөрхөн кино болсон бна лээ. Боловсрол тв сайн бна. Энэ цагт хүүхдэд үзэх зүйл ховор. Тэдний талаар шүүмжилж яриад үр хүүхдийнхээ төлөө оролцож хийдэг хүн ховор болж.. Ашиг л хардаг болсон . Кино хийх амаргүй ...киноны утга санааг бүрэн ойлгоогүй бж сонин юм бичих үнэндээ л харамсалтай .