Фэйсбүүкийн хувьцааны ханш, хэрэглэгчдийн тоо буурлаа


2018-02-01 11:24:46 1

Сэтгүүлч Л.Баатархүү

     Олон нийтийн сүлжээний тэргүүлэгч компани фэйсбүүкийн хувьцааны ханш 5.2 хувиар буурлаа. Түүнчлэн АНУ, Канад дахь хэрэглэгчдийн тоо нэг саяар буурсан байна. Үүнээс гадна тус сайтын нийт хэрэглэгчдийн цаг зарцуулалт 50 саяар буурсан талаар Блүүмберг мэдээлэв.

Хэрэглэгчдийн тоо, зарцуулж буй цаг ийн багассныг тус компаниас “news feed”-дээ өөрчлөлт оруулж видеоны тоог цөөлсөн нь голлон нөлөөлсөн талаар тайлбар өгсөн байна. Харин шинжээчид “Хүмүүс олон нийтийн сүлжээнээс татгалзаж буйтай холбоотой” гэж үзжээ.

    Фэйсбүүкийн талаар товч мэдээлэл дурьдахад 2001 оны хоёрдугаар сарын 4 нд Марк Цукерберг Facebook-ийг Харвардын их сургуулийн хажуу өрөөнийхөө компьютерийн чиглэлээр суралцдаг хоёр найзтайгаа санаачлан хийж байжээ. Facebook гэх үгийг үгчилбэл нүүр ном, утгачилбал дурсамжийн дэвтэр гэсэн утгатай болдог аж.

Гүйцэтгэх захирал Цукерберг зургаан жилийн дараа буюу 2007 онд 23 насандаа дэлхийн тэрбумтнуудын эгнээнд багтсан байдаг. Өнгөрсөн 2006 онд Yahoo компани фэйсбүүкийг нэг тэрбум ам.доллараар худалдан авах санал тавьсан ч Цукерберг зөвшөөрөөгүй байна.

    Ямартаа ч цаг үргэлж амжилттай өсөж, шинэчлэл хийж явсан Фэйсбүүк компанийн хамгийн сүүлийн шинэчлэл “news feed” хэрэглэгчдийн тоо буурах, ашиглах цаг багасах, хувьцааны ханш унахад хүргэсэн гэдгийг шинжээчид онцолж эхлэв.

 


Сэтгэгдлүүд

  • mono

    2018-11-04

    холбоо барих: EMail: