МАН-ын "Цэгцрэх" хөдөлгөөнийхөн Их хурлын товоо зарлахыг шаардлаа


2017-08-16 15:40:44 3

    Монгол Ардын намын гишүүд дэмжигчдийн санаачлагаар байгуулагдсан "Цэгцрэх" хөдөлгөөний гишүүд МАНамын цаг үеийн асуудлаар шуурхай мэдээлэл өглөө. Тэд удаа дараа намынхаа удирдах зөвлөлд албан шаардлага бүхий албан бичиг хүргүүлэхээ мэдэгдсэн юм. Яг одоо МАН-ын удидах зөвлөл Тусгаар тогтнолын ордонд МАН-ын дарга УИХ-ын дарга М.Энхболд, Ерөнхий сайд Ж.Эрдэнэбат нарын бүрэлдэхүүтэй хуралдаж байгаа. 

Албан шаардлага хүргүүлэх талаар МАН-ын гишүүд дэмжигчдийн “Цэгцрэх” хөдөлгөөнөөс мэдээлэл хийхдээ "Төрийн ажлыг цалгардуулалгүй явуулахын тулд МАН дотоод асуудлаа  яаралтай шийдэх шаардлагатай. Үүний тулд бага хурлыг даруй хуралдуулж намын Их хурлын товыг зарлах"-ыг шаардлаа. Түүнчлэн намын дотоод асуудал, албан тушаалын төлөөх тэмцэл нь МАН-ын жирийн олон мянган гишүүд дэмжигчдийг бухимдуулж байгааг илэрхийлсэн юм. Нөгөөтэйгүүр намын их хурал хийх бэлтгэл ажлыг өндөр түвшинд зохион байгуулах, Их хурлын төлөөлөгчдийг сонгох НАШБ-уудын хурлыг улс орон даяар нээлттэй зарлаж, дарга нарын дарамт шахалтгүй, дотоод ардчилалтай зохион байгуулахыг шаардлаа. Улс орны байдал хүнд байгаа энэ үед МАН-ын дарга нарын дунд үл ойлголцол үүсч эхлээд байгаа төдийгүй төрийн ажлыг орхигдуулж буй нь олон нийтийг бухимдуулах нөхцөл үүсгэж эхэлснийг онцолсон юм. "Цэгцрэх" хөдөлгөөний зүгээс ч фракцын дарга нарын талцал, нэгнийгээ харлуулж байгаа асуудал нь намын нэр хүндийг унагаад зогсохгүй улс орны ажлыг удаашруулаад байгааг эрс шүүмжлэв.

МАН-д олон хөдөлгөөн намын одоогийн үйл ажиллаанд эмх цэгц, нэг бодлого хэрэгтэй байгааг сануулсан олон хурал цуглаан болж байгаа. Энэ удаа 21 аймаг есөн дүүрэгээс нийслэлийн Баянзүрх дүүргийн МАН-ын гишүүд дэмжигчдийн холбоо намынхаа хороонд тайлангын хурлаа хийх НАШБ-ууд үүрүүдийнхээ хурлыг нээлтэй хийхийг шаардсан албан бичгийг өгөөд байгаа аж.  


Сэтгэгдлүүд

  • зочин

    2017-08-16

    МАН-д ингэж чихийг нь мушгидаг залуус байдаг л юм бна. Ардчилал гэж энэ. гэхдээ лух суучихсан дарга нар нь тоохым уу даа. хахахаха

  • unshigch

    2017-08-16

    Ene ih zov shu. AN, MAN 2 gaigaas bolj mongolchuudiin amidral, mongol hunii setgehui uzel bodol dordohiin deedeer dordoj bna

  • зөөлөн бороо

    2017-08-16

    МАН шинэчлэгдэж мань жиргах нь ээ