богино мэдээ New

Уурхайн нурангид дарагдсан гурван иргэнийг эсэн мэнд гаргажээ

Налайх дүүргийн гуравдугаар хорооны нутаг дэвсгэрт байрлалтай Э-гийн уурхайн амны тунель тасарч гурван хүн дарагдчихлаа гэсэн дуудлага ОБЕГ-ын харьяа Уул уурхайн аврах ангид иржээ..

Сэтгүүлч Н.Баасандэмбэрэл

Налайх дүүргийн гуравдугаар хорооны нутаг дэвсгэрт байрлалтай 57 дугаар уклоны газар хувиараа нүүрс олборлож байсан иргэн Э-гийн уурхайн амны тунель тасарч гурван хүн дарагдчихлаа гэсэн дуудлага 11 дүгээр сарын 07-ны өглөө 09:43 цагт ОБЕГ-ын харьяа Уул уурхайн аврах ангид иржээ.

Албан хаагчид дуудлагын дагуу ослын газарт очиж хайгуул хийхэд уурхайн налуу ам 20 метрийн гүнд нуралт үүсч, хоёр бэхэлгээний нуруу тасарч, нурлын цаана гурван иргэн дарагдсан байдалтай байсан байна.

Иймээс аврагчид уурхайн нурлыг сэтэлж, трубагаар агааржуулалт хийн, бэхэлгээ тавьж, 15 метр/куб нурсан шороог 20 метрийн гүнээс дээш ковшоор зөөвөрлөжээ.

Аврах ажиллагаа гурван цаг гаруй үргэлжилсний эцэст нурангид дарагдсан гурван иргэнийг эсэн мэнд  гаргаж, анхан шатны тусламж үзүүлж, эмнэлгийн байгууллагад хүлээлгэн өгсөн байна. Ослын дуудлагаар аврах хоёр бүлэг ажиллажээ.